2025

«Сен менің жадымдасың, Ауғанстан!» тарих сағаты.15.02.2025 ж. 

15 ақпан – Ауғанстанда соғысқандар үшін ерекше күн. Олардың
батылдығы мен әскери антқа адалдығы талай ұрпақ үшін азаматтық сана мен
патриотизмнің жарқын үлгісі болып табылады. Рудный тарихи-өлкетану
музейінде «Сен менің жадымдасың, Ауғанстан!» атты тарих сағаты өтті,
«Біздің есімізде – біз мақтан тұтамыз» атты көрмесі ашылды.
Салтанатты шара «Жаяу әскердің жауынгерлік машинасы»
ескерткішінің алдында басталды. Қаза болған рудныйлықтарды еске алу үшін
бір минут үнсіздік жарияланып, ескерткішке гүл шоқтары қойылды. Іс-шара
музейде жалғасып, шақырылған қонақтар, интернационалист-жауынгерлер
сөз сөйледі. Патриоттық шығармалар, соғыс туралы әндер әсерлі шырқалып,
музей қызметкері Виктор Румбахтың өлеңдері оқылды. Патриоттық рухпен
сусындаған іс-шара үш буынның шынайы сұхбатына, үлкендер мен жас
ұрпақтың бірлігінің жарқын үлгісіне айналды.

2025 жылы 04 ақпанда Рудный тарихи-өлкетану музейінің қызметкерлері
интернационалист-жауынгерлерге арналған ескерткішке күтім жасау
акциясын өткізді. Акция барысында ескерткіш маңындағы бүкіл аумақ қар
мен мұздан тазартылды.
«Қасиетті Қазақстан: Отанымыздың киелі жерлері» ақпараттық сұхбаттасу
Ы.Алтынсарин атындағы Рудный әлеуметтік-гуманитарлық колледжінде
"Қасиетті Қазақстан: Отанымыздың киелі жерлері " атты ақпараттық
сұхбаттасу сағаты болып өтті. Бұл іс-шараға "Бастауыш білім беру
педагогикасы мен әдістемесі" мамандығының студенттері қатысты. Мақсаты:
студенттерді қазақ халқының мәдени мұрасымен таныстыру; шынайы азамат
пен патриотты тәрбиелеу; рухани мұраға ұқыпты қарау сезімін ояту.

 «Тарихқа айналған тағдырлар» уақытша көрме. 13.01.2025 г 

2025 жылғы 13 қаңтарда Рудный тарихи-өлкетану музейінде КСРО Мемлекеттік сыйлығының лауреаты, ССКӨБ директоры (04.11.1978 – 13.04.1994) А. Е. Онищенконың туғанына 95 жыл толуына арналған "Тарихқа айналған тағдырлар" атты уақытша көрмесі ашылды. Көрмеде Александр Емельяновичтың еңбек жолы туралы баяндайтын құжаттар, грамоталар мен газет материалдары ұсынылған.

 «Құқық әліппесі» құқық парақшасы 27.01.2025 ж 

2025 жылдың 27 қаңтарында Қостанай облысы әкімдігі білім басқармасының
«Д.М.Карбышев атындағы №14 жалпы білім беретін мектебі» КММ-де «Құқық әліппесі»
атты лекция-құқық парақшасы өтті.
Мақсаты: қоғамның заңдары мен құқықтары туралы тұтас түсінік қалыптастыру,
өзінің және өзгенің құқықтарына құрметпен қарауға тәрбиелеу. Мектеп оқушыларына
Қазақстан Республикасы азаматының құқықтары мен міндеттері туралы толық
мағлұматтар дайындалып, заңды бұзғаны үшін заңды жауапкершілік түсіндірілді. Ойын
түрінде орыс халық ертегілерін мысалға ала отырып, оқушылар батырлардың
құқықтарының бұзылуы туралы ақпаратты талдады; сонымен қатар конституциялық
құқықтар мен міндеттерді білуге арналған викторина өткізілді.
<div><img src="/images/2025/4.jpeg" alt="" width="295" height="345" /><img src="/images/2025/5.jpeg" alt="" width="462" height="347" /></div>
<p class="s9"><span class="s7"> </span></p>

Joomla Plugins